1. الخارجية السودانية: قادرون على إرغام أثيوبيا بعدم الملء الثاني لسد النهضة
  2. أسر شهداء الثورة السودانية: تجاهل حكومي لطلب بإحياء ذكرى «فض الإعتصام»
  3. مسؤولة بـ «يونسيف» تحث السودانيين على التطعيم بلقاح «كورونا»
  4. مو إبراهيم: لا يمكن للناس أن يأكلوا ديمقراطية
  5. جمال سالم ينضم لمعسكر الهلال
  6. تدوين الأحداث بين عصر البطولة وحياكة الدجل
  7. «سيداو» بعيدا عن تنميط فضيل وفضيلة 
  8. بدعوة من قطبي ابوعشر اتحاد الكاملين وانديته يلتئمون بنادي الشاطئ
  9. المريخ يواصل تحضيراته الجادة بمعسكر القاهرة ويتدرب وسط أجواء حماسية
  10. بيان مشترك للحرية والتغيير وشركاء السلام حول سد النهضة
  11. الحاج يوسف: الأجهزة الأمنية التابعة للجنة إزالة التمكين مارست صنوفاً من الضرب والتعذيب ضد ممثلي لجان المقاومة
  12. وفد من الكونغرس الأمريكي يزور معسكراً للاجئين الإثيوبيين شرقي السودان
  13. بنك السودان يرفع السعر التأشيري للدولار الأمريكي ليوم الجمعة 7 مايو 2021
  14. رابطة الهلال بالشرقية تكرم دياب
  15. 119 جندي أثيوبي بـ (يوناميد) يطالبون باللجوء الى السودان
مايو 7, 2021 @ 5:44
  1. الخارجية السودانية: قادرون على إرغام أثيوبيا بعدم الملء الثاني لسد النهضة
  2. أسر شهداء الثورة السودانية: تجاهل حكومي لطلب بإحياء ذكرى «فض الإعتصام»
  3. مسؤولة بـ «يونسيف» تحث السودانيين على التطعيم بلقاح «كورونا»
  4. مو إبراهيم: لا يمكن للناس أن يأكلوا ديمقراطية
  5. جمال سالم ينضم لمعسكر الهلال
  6. تدوين الأحداث بين عصر البطولة وحياكة الدجل
  7. «سيداو» بعيدا عن تنميط فضيل وفضيلة 
  8. بدعوة من قطبي ابوعشر اتحاد الكاملين وانديته يلتئمون بنادي الشاطئ
  9. المريخ يواصل تحضيراته الجادة بمعسكر القاهرة ويتدرب وسط أجواء حماسية
  10. بيان مشترك للحرية والتغيير وشركاء السلام حول سد النهضة
  11. الحاج يوسف: الأجهزة الأمنية التابعة للجنة إزالة التمكين مارست صنوفاً من الضرب والتعذيب ضد ممثلي لجان المقاومة
  12. وفد من الكونغرس الأمريكي يزور معسكراً للاجئين الإثيوبيين شرقي السودان
  13. بنك السودان يرفع السعر التأشيري للدولار الأمريكي ليوم الجمعة 7 مايو 2021
  14. رابطة الهلال بالشرقية تكرم دياب
  15. 119 جندي أثيوبي بـ (يوناميد) يطالبون باللجوء الى السودان

] الدعاية.
] أو الترويج عن السلعة .
] هو أسلوب تسويقي قديم.
] أتوجد قبل مايتوجد علم التسويق وفنونه.
] وطبعاً الدعاية بتزيد السلعة محلبية.
] عشان كدة زمان الناس كانوا بقولوا للزول المامقنع دعاية.
] يعني نجم كورة مثلاً يضيع قون أو تطول منو الكورة.
] تلقي الاستاد كلو يكورك دعاية دعاية.
] والقصة دي بتظهر كتير في مباريات الكورة لما أحد فريقي القمة يلعب في الولايات ويتغلب ولا يتعادل.
] تلقي الولاية كلها حول بص القمة تهتف دعاية دعاية.
] المهم.
] ضروري جداً في الترويج أن يظهر مزايا السلعة ومكوناتها ومقوماتها.
] قانوناً مسموح ليك تزيد المحلبية حبة.
] لكن قطعاً تكون مسؤول قانوناً إذا زادت المحلبية عن حدها .
] لأن الموضوع بقلب من ترويج إلى إحتيال.
] فما ممكن مثلاً تقول في عالم الفسخ والجلخ أن الخلطة بتاعتك مافيها صباعات.
] ويتضح أنو فيها صباعات.
] الواحدة البشرتها حساسة ومابتنفع معاها الصباعات. إذا استعملت الخلطة بناءً على الترويج المضلل وتضررت.
] فأنها تستطيع أن تعود على صاحب الخلطة المروج لها بالتعويض.
] لكن لو في الترويج مثلاً قالوا وشك ببقى زي القزازة.
] وجابوا لقطة لواحدة أساساً خلقة ربنا وشها قزازة. ده مابيعتبر إحتيال.
] مجرد ترويج لأنه لم يتناول مكونات الخلطة بالكذب.
] عشان كدة الفرق بين الترويج والإحتيال شعررررة.
] طيب.
] ناس الكهربا قالوا لينا كهربتهم ٢٢٠ إلى ٢٤٠. وقامت جاتنا أقل من ١٦٠ .
] الاسبليت مابتشغلو.
] الاسبليت الدفعنا فيهو دم قلبنا شان خاطر رمضان.
] الاسبليت الكلفنا ربع مليار جنيه.
] لما يبقى قاعد على الحيطة زينة ومسكن للعنكبوت.
] كلام ناس الكهربا ٢٢٠ إلى ٢٤٠ وهم عارفين إنو ١٢٠ مامضمونة ببقى ترويج ولا إحتيال؟.
] بالذات إذا واحد ترك صيام القاهرة وإشترى بحق السفر اسبليت معتمداً على تصريح ترويجي لمسؤول كهربائي بأن الكهرباء ستستقر في رمضان. وجاء رمضان.
] والكهربا في زواعتها لا استقرت ولا شيء. وعانى صاحبنا ويلات رمضان في السودان.
] وكلنا يعلم ماهو رمضان في السودان.
] الإتنين مابتلمن في ظل ترويج كهربائي يصل لدرجة الإحتيال.
] ماهو يارمضان يا سودان.
] والله لو كنا بنعرف حقوقنا كان كل عشرين مدعي عليه في محكمة .
] تلقي تسعطاشر منهم شركة النور. ويا حليل شركة النور.
] لسسسة ماسقطت.
] طالما الكهربا قاطعة ولم تسقط نقطة ماء من ماسورة .
] ناس الموية ديل كمان أكبر ماسورة.
] لأن معطيات الموية مصدر زائد شبكة توزيع .
] يبقى الموضوع ماصعب.
] ومافي حاجة اسمها مشكلة موية.
] المشكلة هي الناس الماسكين الموية وممسكننا الماسورة. الغريبة الموية لاترويج لا دعاية ولا إحتيال.
] قطع ناشف بكل قوة عين.
] وشهداء الثورة ينتظروننا في الآخرة وألسنتهم تلهج بسؤال.
] الموية والكهربا جنكم ولا متنا سااااي؟. بمناسبة الترويج دي.
] زمان كان التجار بنزلوا السلع القربت مدتها تنتهي للفريشة يبيعوها بأسعار زهيدة.
] صاحبنا أوهو أناناس فرشو جمب البوسته وقعد يكورك.
] الأنناس يا ناس العلبة بجنيه.
] أتجدع وجدع أولادك.
] الوكت داك علبة الأنناس كانت بستة جنيه. وصاحبنا ببيع المدتو منتهية العلبة بجنيه. جاهو واحد قال ليهو أديني عشرة علب. صاحبنا قال ليهو عشرة ليه؟وااااحدة بتقرضك أنت وأولادك .
] شوفوا الزول ده. برغم أنو ببيع سلعة غذائية مدتها منتهية.
] إلا أنو زول بخاف الله.
] لم يستخدم الترويج الإحتيالي ولا الإحتيال الترويجي.
] فرش بضاعتو وباع على عينك ياتاجر.
] وسيد البضاعة النزلها للفريشة.
] عامل ليهو مصلى في خشم الدكان وسيخة معلق عليها عشرين أبريق وشابك الناس الصلاة الصلاة.
] وكأن الله الذي يخدع عباده ويبيعهم السلع المنتهية الحاتوديهم في داهية.
] يختلف عن الله الذي يدعو الناس للصلاة تقرباً له.
] عشان الحتة دي أضم صوتي لأنصار الوحدانية وأقول.
] الله واحد ياناس.
المهم .
] المريخ لمعسكر القاهرة.
] وكلارك في إنتظاره هناك.
] شكراً تازي.
] أيها الناس.
] أن تنصروا الله ينصركم .
] أها.
] نجي لي شمارات والي الخرتوم
] عندكم كهربا يا والينا؟.
] طيب عندكم موية؟.
سلك كهربا
ننساك كيف والكلب قال طيب عندكم ضمير؟.
وإلى لقاء.
سلك


اضغط هنا للانضمام لمجموعات الانتباهة على تطبيق واتساب